🌲🌳 Батыш Тянь-Шандын токойлорун калыбына келтирүү иштери бүгүнкү күндө толук кандуу уланып жатат. Алатай жаратылыш паркынын егерлери питомниктерде ак карагайдын, Тянь-Шань карагайынын, кайыңдын, туянын жана ит мурундун үрөндөрүн себишти. Ал эми, Тогуз-Торо токой чарбасынын токойчулары Тянь-Шань карагайынын жана кара карагайдын уруктарын отургузушуп, жаңы айдалган үрөндөрдү малдан коргоо максатында питомниктин айланасына 1 га аянт жерге зым тосмо орнотушту.
Токойлорду калыбына келтирүү иштери БУУӨП-ГЭФтин беш жылдык Батыш Тянь-Шандын биоартүрдүүлүгүн сактоо долбоорунун алкагында Курчап турган чөйрөнү коргоо жана токой чарбасы мамлекеттик агенттиги менен өнөктөштүктө ишке ашырылып жатат.
